Pagtigtignayen ti Department of Environment and Natural Resources dagiti regional office, line bureau ken field unit-da a papigsaenda ti panagsagana kontra iti agtultuloy nga El Niño a mabalin a kumaro pay sakbay a malpas ti tawen ken agtultuloy agingga iti umuna a paset ti 2027.
Karaman kadagiti addang ti panangipatakder iti nayon a water impounding structures ken rainwater harvesting systems, panangital-o iti water conservation, panangaywan iti watershed ken kabakiran, ken panangliklik iti forest fire ken heat-related risks.
Mapap-papigsa pay ti monitoring iti coral bleaching, watershed ken water systems, idinto a mabalbalakadan dagiti mining company nga aginut iti danum ken mangipatungpal ti naing-inget a heat-safety measures para iti field personnel.
Gagem ti DENR a mapagtalinaed ti suplay ti danum, masalwadan dagiti ecosystem ken pagbiagan, ken mapapigsa ti climate resilience dagiti komunidad iti baet ti epekto ti El Niño.
