Indauloan ni Executive Secretary Ralph Recto iti maysa a nangato a taripnong tapno siguradoen ti kinasagana ti Pilipinas iti panag-host ti 48th ken 49th ASEAN Summits.
Napagpatangan iti taripnong ti plano iti logistics, procurement, ken government-specific work plans kadua dagiti opisial manipud iti agduduma a maseknan nga ahensia.
Naikeddeng a mapasamak ti 48th ASEAN Leader’s Summit idiay Cebu inton Mayo-8 agingga 9, kabayatan a ti 49th ASEAN Summit ket mapasamak idiay PICC inton Nobiembre 10 agingga 12.
Kas paset ti selebrasion, idauloan pay ti pagilian ti 50th anniversary ti Treaty of Amity and Cooperation inton Hulyo 24.
Manamnama a 208 clustered ASEAN meetings wenno nasurok 650 total meeting ti mapasamak iti pagilian iti daytoy a tawen nga adda nainget a seguridad kangrunaan kadagiti leaders’ summit. Reynand Fontejon
