Inawagan ni Palace Press Officer Atty. Claire Castro a “lousy script” ken kina-salawasaw dagiti alegasion ni Atty. Levi Baligod ken dagiti sangapulo ket walo nga ex-Marines a ni Presidente Ferdinand Marcos Jr. ti mastermind ti panangipatulod ti naka-maleta a kuwarta iti pagtaengan ti presidente ken dati a congressman Zaldy Co.
Pinasingkedan ni Castro a dagus maammuan no asino iti adda ti likudan ti baro a panagsalawasaw no maduktalan no asino ti akin-kukua ti lugan a nangala ken ni Baligod ken ti 18 ex-marines kalpasan ti press conference idiay San Juan City.
Impaganetget ti opisial a maymaysa laeng a personalidad iti adda ti likudan ti baro nga alegasion tapno ipilit nga iraman ti presidente iti binilyon a flood control projects anomaly.
Kabayatanna, inlawlawag met ti Philippine Navy nga uppat kadagiti sangapulo ket walo a Marines a maipagarup a nagserbi kas bagman ket saan a kaano man a nagbalin a miembro ti Philippine Marine Corps (PMC).
