--Ads--
Pinasingkedan ni US President Donald Trump nga awan ti nadunor wenno natay nga American wenno Qatari iti panagraut ti Iran iti US base idiay Qatar.
Iti maysa nga statement nga imbingay ti White House, nagyaman ni Trump iti Emir ti Qatar a ni Sheikh Tamim bin Hamad Al Thani iti inaramidna tapno maiduronda ti kappia iti Middle East Region.
Inaramid ni Trump ti addang kalpasan ti panagpabanto ti Iran iti missile iti American air base idiay Qatar kas panagibales iti panangbomba ti Amerika kadagiti tallo a nuclear facility ti Iran idiay Fordow, Natanz, ken Isfahan.
Inawagan ti US president a ‘weak response’ ti panagraut ti Iran.
-- ADVERTISEMENT --
