12 ti natay ken 309 nga indibidual ti nadunor iti panagraut dagiti Houthi iti King Khalid International Airport idiay Riyadh, Saudi Arabia, segun iti Saudi General Authority of Civil Aviation (GACA).
Karaman kadagiti natay dagiti agindeg iti Saudi Arabia, Bangladesh, Amerika ken dadduma pay a pagilian, idinto a maag-agasan kadagiti ospital dagiti nadunor.
Inaklun met laeng ti grupo a Houthi nga isuda ti nangaramid iti pasamak.
Kabayatanna, dua a Pilipino ti adda ita iti Intensive Care Unit ti maysa nga ospital idiay Riyadh kalpasan ti pannakadunorda.
Segun ken ni Department of Migrant Workers Secretary Hans Leo Cacdac, agtultuloy nga imonmonitor ti MWO-OWWA ti kasasaad dagiti dua a Pilipino.
Agtultuloy met a madukduktalan ti kakaro iti epektona iti airport ken ti operasion kadagiti flight.
