VIGAN CITY – Maisayangkat ti pito a misa iti Minor Basilica of San Nicolas de Tolentino, Shrine of Santo Cristo Milagroso kagiddan ti panagrambakna inton May 3, 2024.
Iti pannaki-uman ti Bombo Radyo Vigan ken ni Fr. Jerry Avisa a Parish Priest, dagiti misa iti bigat ket 4AM, 5:30AM, 7:00AM, 8:30AM ken 10AM nga isu ti Misa Concelebrada idinto a ti malem ket 3:30PM ken 5:00PM.
Segun ken ni Fr. Avisa, walo koma pay it maisayangkat tapno adda latta ti gundaway dagiti umili a mapan ngem naikkat iti ala una iti malem ta amangan nu bassit laeng iti makadar-ay.
Ipasiguradona met a nakasagana iti pagparkingan dagiti dumar-ay ta adda dagiti kameng ti local government unit- Sinait ken Barangay Tanod manipod uppat a barangay iti nasao nga ili a tumulong para ti annayas ti parkingan.
Balakadna kadagiti makimisa a saanen nga itugot dagiti annak a maub-ubba pay laeng ta amangan nu agpeggadda gapu ti kabara ti panniempo.
Tapno met saan a mapukawan iti agkakangina a gamit ket balakadna kadagiti umili a saanen nga agaramat ti agkakangina nga alahas ta amangan nu magundawayanda.
Kabayatanna, silulukat ti panag-agep iti Sto. Cristo Milagroso ngem kiddawna a saanda a natagari tapno saan a makaistorbo iti nasatoan a misa.
VIDEO – FR. JERRY AVISA
Kitaen ti schedule ti misa
