--Ads--
VIGAN CITY – Agpipinnakawan babaen ti panaggi-innarakup, kasta ti araramiden dagiti muslim nu madanon ti Eid’l Fitr wenno ti panagleppas ti Ramadan.
Iti pannaki-uman ti Bombo Radyo Vigan ken ni Imam Ali Matuan iti Muslim Compound idiay Bantay, apaman a makakararagda ket aggi-innarakupda nga isu ti mangipasimudaag nga agkakapiada ken awan ti sakit ti nakemda iti tunggal maysa.
Segun ken ni Imam Matuan, tallo nga aldaw kalpasan ti panagleppas ti Ramadan ket agselebrarda ngem sigsiguradoenda latta a masursurotda dagiti paglintegan wenno saanda nga aglabsing.
Balakadna kadagiti padana a Muslim nga itultuloy latta ti naisuro maipanggep ti Ramadan tapno agtalinaedda a kinabendisyonda.
-- ADVERTISEMENT --
VIDEO – IMAM ALI MATUAN
