VIGAN CITY – Mangrugi inton bigat March 1 agingga March 5, 2023 iti pannakaisayangkat iti panagpiesta iti ili ti Banayoyo.
Iti pannakipapatang ti Bombo Radyo Vigan ken ni Banayoyo Mayor Virgilio Galanga, datin a maselelebraran ti bulan ti Pebrero iti piestada ngem naiyakar iti bulan ti Marso ta naamoanda ti pudno a pannakasarak iti nasao nga ili.
Ti tema ita a tawen ket “Aglawlaw saluadan, Kultura a nabangunan intayo salimetmetan. Panagkaykaysa itandudo, agtultuloy a progreso magun-odtayo”.
Inton bigat iti rabii ket maisayangkat ti Senior Citizens’ Night; March 2 maisayangkat ti Farmers’ Day, Agri-Pinaka Contest, Training on Organic ken Farmers’ Singing Idol 2023; March 3 ket maisayangkat iti bigat ti Grand Civic Parade ken Department of Education Day idinto a ti rabii ket isu ti Search for Miss Binnuyog Banayoyo 2023; March 4 iti rabii ket maisayangkat ti SK Night ken Binnuyog Banayoyo Battle of the Bands 2023; ken March 5 ket maisayangkat iti bigat iti Wreath Laying Ceremony ken Ecumenical Service idinto a ti rabii ket maisayangkat ti Administration Night, Coronation of the Queen of Banayoyo 2023, Anak ti Banayoyo Awards 2023 ken Binnuyog Banayoyo Raffle Bonanza.
Allukoyen ni Mayor Galanga dagiti umili a makipaset ken makipagragsak iti selebrasyonda iti ili pakairamananen ti kabangibang nga ili a kaduada nga agselebrar a kas ti Lidlidda, ken Nagbukel.
VOICE OF BANAYOYO MAYOR VIRGILIO GALANGA
