Pinalagipan ti Department of Labor and Employment (DOLE) dagiti private sector employer a suroten ti husto a panagbayad para ti special non-working holiday kas panagrambak ti Feast of the Immaculate Conception of Mary ita nga aldaw.
Iti salinong ti “no-work, no-pay” principle, dagiti empleado a saan nga agtrabaho ita nga aldaw ket saan a mabayadan malaksid laeng nu adda polisiya wenno collective bargaining agreement nga ipaay ti kompania.
Dagiti empleado a mapan agtrabaho ket manayunan ti 30% iti basic wage-da para iti walo nga oras a trabaho.
Para ti overtime work ket masapul a bayadan ti employers ti nayon a 20% iti hourly rate.
Nu mairana ti special day a rest day ti employee ket masapul a bayadan ti employer ti nayon a 50% a basic wage-da para iti walo nga oras a panagtrabaho.
Ti overtime ti reast day ket mabayadan babaen ti bayon a 30 percet nga hourly rate.
Dagiti nasao a pagannurotan ket mayataday iti Republic Act 10966 nga epektibo idi 2017 a pannakaideklarar ti Feast of the Immaculate Conception kas special non-working holiday.
