VIGAN CITY – Epektibon inton June 6 iti baro a daily minimum wage rate ditoy Region 1.
Segun ti Drepartment of Labor and Employment Office Region 1, 372 agingga 400 iti baro a minimum wage kadagiti uppat a probinsya ti rehiyon uno pakairamanan dagiti pribado a sektor.
Para kadagiti Non-agriculture nga adda ti sangapulo wenno naadado nga empleyado ket uppat a gasut a pisos iti panagpangatona ngem dagiti Non Agriculture a nababbaba ngem sangapulo ti empleyado na ket tallo gasut pito pulo ket dua a pisos iti sueldoda kapadana dagiti adda iti benneg ti agrikultura.
Inlawlawag ti DOLE-1 a saan a buo ti increase inton June 6 no ketdi adda iti suruten da a tranches wenno installment system tapno maited iti pakabuklan a panagpangato ti sweldo basar ti Wage Order RB1-21.
Sakopen ti baro a wage order dagiti domestic worker wenno katulong nga agsweldo ti lima ribo a pisos tunggal bulan.
No saan a sumurot dagiti employer ket mabalin da nga ipakammu iti opisina ti DOLE Regional Office 1 tumawag laeng iti numero a (072)607-9981 ken Regional Tripartite Wage and Productivity Board 1 number (072)619-7549.
Maipalagip nga idi May 17 ti Regional Tripartite Wages and Productivity Board 1 inaprobaranda iti panagpangato ti sweldo iti nasao a rehiyon.
