Pakaragsakan ti Department of Labor and Employment (DOLE) iti panagpangato ti employment level iti pagilian kas maibasar iti baro a Labor Force Survey.
Segun ken ni Labor Secretary Bienvenido Laguesma, dayta ket inspirasyon tapno pasayaaten pay ti labor department iti napudno a panangipatungpal kadagiti programa para ti job generation ken job preservation.
Kadua ti DOLE ti pribado a sector, dadduma pay nga ahensya iti gobierno ken ni President Ferdinand Marcos Jr. a gagem a mapagtalinaed ken ingato pay ti employment rate iti pagilian.
Agtultuloy to pay dagiti job fair iti agduduma a lugar babaen ti tulong dagiti kampania ken business organizations.
Dagiti awan pay iti trabahona ket nallukoy pay a saan nga agdudua nga umasideg kadagiti opisina iti DOLE para iti tulong.
