Pinasingkedan dagiti eksperto manipud iti Philippine Medical Association a ti kinaawan ti bakuna, saan nga updated a clinical management, ken kurang a pannakipaset ti komunidad ti mangpakpakaro iti kaso ti dengue ditoy pagilian.
Segun ken ni Dr. Lulu Bravo, saan pay laeng a naan-anay a naparmek ti dengue ken adu pay a doktor ti saan nga updated iti husto a pannakaimaneharna.
Pinasingkedan met ni Dr. Florentina Uy a multifactorial ti parikut – agraman ti akem ti gobierno, medical sector ken komunidad.
Innayonna a masansan laeng nga agdalus dagiti umili iti arubayanda no adda masakit iti pamilia.
Impaganetget dagiti doktor a napateg ti panagbakuna kas baro nga intervention.
Inallukoy met ni PMA President Dr. Hector Santos ti gobierno nga aprubaran ti baro a bakuna a Qdenga, a naaramid babaen iti kompania a Hapon a Takeda Pharmaceutical Company.
