--Ads--
VIGAN CITY – Maibilang a dakkel nga insulto kadagiti botante idiay Bamban, Tarlac ti panagpammarang ni Mayor Alice Guo kas maysa a husto a Pilipino.
Dayta ti pinasingkedan ni Senador Risa Hontiveros kalpasan a kinumpirmaran ti National Bureau of Investigation a nagmatch ti fingerprints ti mayor ken ti Chinese a ni Guo Hua Ping.
Malaksid kadagiti botante ti Bamba, kunana nga insult pay daytoy iti institusyon ti gobierno ken ti kada umili.
Innayon ti senador a daytoy ti kadagsenan nga ebidensya tapno patakyasen iti puesto ti lokal nga opisial.
-- ADVERTISEMENT --
Saan pay laeng a daytoy ti pagleppasan ti amin ta agtultuloy ti imbestigasyon ken panangukagda iti amin a krimen a nakainaigan ni Guo Hua Ping.
