--Ads--
VIGAN CITY- Awan iti foul play iti panagpakamatay ni Carmelita Upano, agtawen iti innem a pulo ket lima iti uneg ti pagtaenganna idiay Barangay Macatcatud, Magsingal babaen iti panagsarita dagiti kameng ti pamilya na.
Segun ken ni Police Senior Jason Morales, hepe ti Magsingal municipal police station, problema ti pinansyal wennu ti nakautangan na iti maysa kadagiti patta-pattaen da nga otoridad a rason iti nagbekkelan ni Upano.
Innayon ni Morales a naamuan da a sakbay iti panangibitin ti biktima ti bagi na babaen iti electric wire ket kanayon a makita dagiti kameng ti pamilya na ti biktima a malidlidayan ken arig na agpakpakadan kadakuada.
