--Ads--
VIGAN CITY – Inallukoy ni Gov. Ryan Singson dagiti kaprobinsyaanna ken dagiti senior citizen nga agpabakuna tapno masalwadan ti bagida.
Dayta ket gapu ti nailista ti probinsia a walopulo ket walo a natay iti Covid19 ta saanen a kayat ti gobernador nga adda pay mapukaw gapu ti virus.
Dagiti ili a nakairekordan dagiti natay ket ti ili a Bantay, Candon City, Caoayan, Galimuyod, Magsingal, Narvacan, San Esteban, Santa, Santiago, Sinait, Sta. Catalina, Sta. Cruz, Sta. Lucia, Sta. Maria, Sto. Domingo, Suyo ken siudad ti Vigan.
Kabayatanna, agtaltalinaed a 919 dagiti aktibo a kaso, 4057 dagiti nalaingan ken adda suspected case a tallopulo, probable case a lima ken 5064 a total cases.
-- ADVERTISEMENT --
