VIGAN CITY – Tumulong ti driver iti kotse iti pagpaagas ti driver ti motorsiklo a nakadinnungparna idiay Barangay San Clemente, Magsingal, Ilocos Sur idi December 10, 2023.
Iti pannaki-uman ti Bombo Radyo Vigan ken ni Patrolman Japee De Jesus manipod Magsingal Municipal Police Station, agpaagas iti ospital ni Renejay Perona Tabbal, agtawen iti duapulo ket innem, agnaed iti Barangay Laoingen, Sto. Domingo a nagmaneho iti motorsiklo a rusi gapu iti pannakatukkol iti sakana idinto a saan a naan-ano ti nagmaneho ti toyota wigo ket ni Kenneth Seatriz Salvador, agtawen iti uppat a pulo ket dua nga agnaed idiay Baclig, Cabugao.
Maibasar iti CCTV footage iti nasao a lugar ket makita nga agpa-abagatan a direksyon ti motorsiklo idin ta nagsikko a sumrek iti Blue J’s gasoline station ti Toyota Wigo a gappuanan ti pannakadungpar iti nakamotorsiklo.
Naamoan a ti nagmotorsiklo ket napaspas iti panagpatarayna iti motorsiklo ken nakainom iti nasanger idi napasamak iti aksidente.
Gapu dayta, nagpalagip ni De Jesus kadagiti motorista iti panagannad ket nu maka-inom man iti nasanger ket nasaysayaat a saandan nga agmaneho tapno saanda a maisagmak.
VIDEO – PATROLMAN JAYPEE DE JESUS
