Pinasingkedan ti Principal IV iti Ilocos Sur National High School a naannayas ti panaglukat ti klase iti nasao a pagadalan ita nga aldaw para iti School Year 2025-2026.
Iti pannaki-uman ti Bombo Radyo Vigan ken ni Editha Bagcal, agingga idi Biernes ket 7,707 ti bilang dagiti estudiante a naka-enrol iti nasao a pagadalan ken manamnama a manayonan pay agsipud ta adu dagiti saan pay laeng a naka-enrol.
1,316 ti Grade 7; 1,225 ti Grade 8; 1,034 ti Grade 9; 1,158 ti Grade 10; 1,473 ti Grade 11; ken 1,501 ti Grade 12.
Nupay kasta, mabalin latta ti agenroll agingga iti daytoy a bulan.
Kabayatanna, pinagyamanan ni Bagcal dagiti amin a timmulong kadakuada idi Brigada Eskwela agraman dagiti Local Government Units, dagiti non-government organization, City Government of Vigan, dagiti kameng ti Philippine National Police, Bureau of Fire Protection, Philippine Army, Tau Gamma, dagiti alumni, Metro Vigan Water District ken dagiti dadduma pay nga organisasyon.
