Idauluan ni Senate President Francis Chiz Escudero ti panaglukat ti Third Reading Session iti 19th Congress ita nga aldaw, sakbay a maisayangkat ti maikatlo nga State of the Nation Address ni President Ferdinand Marcos Jr.
Segun ken ni Escudero, umuna a gundawayna a dumar-ay ti SONA kas presiding officer iti Senado, ta rugianda ti panagbalin a linteg dagiti priority measures a mangtignay iti economic woes iti pagilian.
Kinunana nga agpokusda iti nagtulagan idi LEDAC wenno Legislative-Executive Development Advisory Council meeting iti salinong ti Common Legislative Agenda.
Nakasalang ita iti Senado dagiti sangapulo a gakat a nailista iti LEDAC pakairamanan ti amendments ti Electric Power Industry Reform Act (EPIRA); Corporate Recovery and Tax Incentives for Enterprises Maximize Opportunities for Reinvigorating the Economy bill; ken Amendments to the Foreign Investors’ Long-Term Lease Act.
Impaganetgetna a rumbeng nga amyendaran ti EPIRA Law a mangpadaras ti panagtignay para ti naan-anay nga enerhiya iti pagilian.
