Vigan City – Umad-adu iti kaso iti covid-19 idiay California, USA kas pinasingkedan ni The Prince of Ilocano Song Chino Romero wenno nalalatak iti nagan a Vhen Bautista nga agnaed iti paset ti Rancho Cucamonga ken maysa a staff iti ospital iti nasao a pagilian.
Segun kenni Romero, kumarkaro iti kaso dagiti maap-apektaran iti virus kangrunaan idi naglukat dagiti establishyemento iti nasao a pagilian.
No man pay adda iti naiyetnag a pagannurutan ket adu dagiti saan a sumursurot a rason iti panagado iti kaso kas iti panagaramat iti face mask no rumuarda.
Kabayatanna, pinasingkedanna pay nga adda latta iti mapaspasamak a protesta iti nasao a pagilian ngem natalna iti pannakaisayangkatna ta awan iti riot wenno panagdadael iti pasdek a mapaspasmak a kas idi kallabes.
