Nagpalagip ti pannakangiwat ti Minor Basilica ken National Shrine of Jesus Nazareno – Quiapo Church kadagiti deboto a maiparit ti panaglugan iti karwahe a nakailuganan ti Jesus Nazareno.
Segun kenni Rev. Fr. Robert Arellano, naipatungpaldan daytoy a panangiparit iti Traslacion idi napan a tawen ngem adu latta dagiti deboto a nangpadas ken naglugan iti karwahe.
Innayon ni Arellano a nabaliwan ti karwahe para iti daytoy a tawen a Traslacion tapno awan ti stepping area dagiti deboto no bilang padasen da ti agsakay iti karwahe.
Kinunana pay nga adda nainayon ti ventilation system iti karwahe tapno malapdan ti insidente idi napan a tawen a ti sarming ket addaan iti agneb a nanglapped iti nalawag a pannakakita dagiti deboto iti Nazarene.
Inlawlawag pay ni Arellano a dagiti laeng kameng ti Hijos del Nazareno ti mapalubosan nga aglugan iti karwahe gapu ta isuda ti responsable a mangsalaknib iti daytoy.
Kabayatanna, awan pay ti pattapattada no mano ti makipaset ngem kinunada a namnamaenda ti ad-adu pay a deboto manipud iti sabali a paset ti pagilian gapu ta napalag-an dagiti restrictions iti Pilipinas.
