Panaglibas ni Alice Guo, naawagan nga international shame

Maibilang nga international shame para iti pagilian ti panaglibas ni Guo Hua Ping wenno Alice Guo kas kinuna ni Sen. Sherwin Gatchalian.

Segun ken ni Gatchalian, ti istorya ni Guo ket saan laeng a padpadaanan iti Pilipinas nu diketdi iti intero a lubong.

Nagyaman ni Gatchalian ken ni President Ferdinand Marcos Jr. iti insigida a tignayda iti panangkanselar ti passport ni Guo.

Ti addang ket marigatan ni Guo nga aggaraw babaen ti panagaramatna ti Chinese passport.

Impaganetget ni Gatchalian a rumbeng nga aramaten iti gobierno iti amin a resource tapno imbestigaran ti isyu ken dusaen dagiti tattao a responsible iti panaglibas ni Guo.