Adalen ti House appropriation committee ti panagaramat ti intelligence funds iti agduduma a government agencies kasaruno iti panaglibas ti dati a Bamban Mayot Alice Guo uray karaman ti Immigration Lookout Bulletin Order.
Segun ken ni appropriation committee chair ken Ako Bicol party-list Rep. Elizaldo Co, kitaen ti Kongreso iti alokasyon ken panagaramat ti intelligence funds ta seryoso a banag dayta ket dakkel a pakadanagan ti panaglibas ni dati a mayor Alice Guo ta karaman iti immigration lookout bulletin.
Impaganetget ni Co a ti nasao a lapses ket rumbeng a saanen a mapasamak ta adda ti husto a nailatang para ti intelligence operations.
Immunan a pinasingkedan ti Presidential Anti-Crime Commission a posible a naasistaran ni Guo babaen dagiti public officials tapno makapanaw iti pagilian.
