Panagkaykaysa para iti kappia, impaganetget ni Speaker Romualdez kagiddan iti maika-80 nga anibersaryo ti Leyte Landings

Binigbig ni Speaker Martin Romualdez dagiti nagbalin a paset ti pakasaritaan ti pagilian kagiddan ti maika-walopulo a tawen nga anibersaryo iti Leyte Landings nga indauluan ni US General Douglas McArthur idi October 1944.

Bayat ti panangsango ni Romualdez kadagiti foreign delegates, dagiti beterano ken opoisyal iti local ken national ket kinunana a saan man a kas kalatak ti naganda ni General Douglas MacArthur ket dayaw iti impaayda a sakripisyo.

Impaganetget ti House leader ken Leyte 1^st district representative iti kinapateg ti panangiduron ti kinakappia tapno saanen a maulit pay iti rinnupak.

Nagyaman pay ni Romualdez kadagiti pagilian ti Australia, Japan ken Amerika iti nakappia a resolusyon dagiti ginnura.