--Ads--
Naipakita ti panagkaykaysa ken panagtitinnulong iti ili ti Narvacan idi kalman kagiddan ti panangrugi ti Sports Fest 2026.
Iti pannaki-uman ti Bombo Radyo Vigan ken ni Mayor Edna Sanidad, gagem ti aktibidad a mapatibker ti panagkakadua dagiti makipaset babaen iti pannakibinnuligda iti Department of Education, dagiti barangay, ken dadduma pay nga ahensia ti gobierno.
Agtultuloyen dagiti aktibidad agingga a marambakan ti piesta ti ili inton Disyembre 10-14.
Karaman kadagiti paay-ayam ti inter-zone basketball ken volleyball.
-- ADVERTISEMENT --
Adda met nakasagana a P200,000, P100,000, P75,000 ken P50,000 para kadagiti mapagasatan a mangabak.
Nupay kasta, awisen ti mayor dagiti umili a makipaset ken makipagrambak iti nasao nga sports fest ita a tawen.
