Ti panagkararag ket gagangay a wagas dagiti Pilipino tapno maibturan ti stress, maibasar iti resulta ti Social Weather Stations.
Iti survey manipud Setyembre 24 agingg 30, 16 percent kadagiti Pilipino ti nangibaga a ti panagkararag wenno pannakipaset kadagiti spiritual activity ti ar-aramidenda tapno sangwen ti stress.
Maikadua met ti panaginana wenno panagturog ken panagpasiar wenno panangaramid kadagiti banag a pagliwliwaan.
Karaman pay kadagiti wagas a nadakamat ti positibo a panagpanunot, panangpokus iti trabaho wenno panagadal, panangiyaw-awan iti parikut, pannakilangen iti pamilia ken panagwatwat.
Adda met dagiti nangdakamat iti panagbuya iti TV wenno pelikula, panagay-ayam, pannangan ken panagdengngeg iti musika.
Basbassit dagiti nangibaga nga agar-aramatda iti social media ken uminom iti arak, ken manmano pay dagiti nangibaga iti panagmula ken panagsigarilio, panagsangit, ken panangsapul iti tulong medical.
