VIGAN CITY – Ininoten a maiwarwaras dagiti election paraphernalia a maaramat iti umay sa May 9, 2022 election kas pinasingkedan ti COMELEC Commissioner.
Iti pannaki-uman ti Bombo Radyo Vigan kenni COMELEC Commissioner George Garcia, manipod idiay Sta. Rosa, Laguna ket immuna a naikkan dagiti lugar nga adayo kas ti Bangsamoro Autonomous Region in Muslim Mindanao ta nailugan ti barko dagiti vote counting machine.
Manipod kadagiti regional hub ti comelec ket naipatuloden dagiti kasapolan ti nadumaduma a probinsya ket manamnama a sumarunon ton kadagiti dadduma pay a paset ti pagilyan. m
Innayonna ni Commissioner Garcia nga maududi a maiwaras dagiti balota ta iso iti kapatgan a dokumento iti panagpipili ta maysa laeng iti nakailatang tunggal umili ken saan a nalaka a masukan saan a kas kadagiti baterya ti VCM.
