VIGAN CITY – Indauluan ni Senador Imee Marcos iti panagiwaras iti cash assistance kadagiti benepisyaryo iti Assistance to Individuals in Crisis Situations (AICS) Program iti Department of Social Welfare and Development iti duaribo lima gasut a Barangay Health Workers iti probinsia a naisayangkat iti Vigan Convention Center.
Dagiti nasao a benepisyaryo iti Assistance to Individuals in Crisis Situations Program ket nakaawat iti sag-P3,000.
Dayta ket nakipasetan da Ilocos Sur Governor Jerry Singson, Vice Gov. Ryan Singson, Vigan City Mayor Bonito Singson, Caoayan Mayor Gemie Goulart ken dagiti miembro iti Sangguniang Panlalawigan.
Iti panagsarita ni Senador Marcos, binigbigna dagiti Barangay health workers a nagbalin a frontliners bayat ti covid-19 pandemic.
Segun kenkuana, manarimaanen ti panangiduronda iti approval iti Magna Carta para iti Barangay Health Workers a mangipaay iti tunggal maysa kadakuada iti standard allowance ken maysa a package iti benefits a mangipaay iti scholarship para kadagiti ubbing, Philhealth accident benefits ken life insurance.
Nagyaman pay isuna kadagiti umili iti probinsia gapu iti napalaus a suportarda kenkuana idi napan nga eleksyon.
PASET TI PANAGSARITA NI SENADOR IMEE MARCOS
Iti pannakipapatang iti Bombo Radyo Vigan ken ni Dominga Soliva Dollante a Barangay Health Worker President iti ili ti San Esteban, pagyamananna iti pannakaawatda iti tulong manipod gobierno ta saanda a mabaybay-an a miembro iti barangay health worker.
Segun kenkuana, duapulo ket dua a barangay health worker laeng iti nasao nga ili ti nagbalin a benepisyaryo manipod iti duapulo ket lima ta adda iti maysa a saan a nakadar-ay idinto a dagiti dua pay a kakaduada ket nagkandidato idi napalabas a panagpipili iti Barangay and Sangguniang Kabataan Elections a gappuanan ti pannakaikkatda.
VIDEO NI DOMINGA SOLIVA DOLLANTE
