Mangrugin inton sumaruno a lawas ti panagiwaras iti libre a bagas iti intero a pagilian.
Segun ken ni Pres. Ferdinand Marcos Jr., maipatungpal dayta babaen iti Local Government Support Fund (LGSF), a mangbilin kadagiti lokal a gobierno nga ilatang iti saan a nababbaba iti kagudua iti pondoda para iti paggatang ken panagiwaras iti bagas.
Siguradoen pay ti presidente nga adda umanay a suplay iti abono para inton sumaruno a panagmulaan, kagiddan dagiti addang tapno maibaba iti presyo iti taraon.
Karaman dayta iti panagbaba iti presyo ti piso iti bayad iti RoRo terminal para kadagiti lugan nga agipatpatulod iti produkto iti agrikultura tapno mapalag-an ti gastos iti transportation.
Segun ti presidente, naiwarasen ti pondo kadagiti LGU sakbay iti napasamak a tensyon idiay Middle East isu a nakasaganan iti rollout iti program.
Innayonna a nagkari dagiti manufacturer a saan nga agpangato ti presyo dagiti kangrunaan a magatang.
