VIGAN CITY – Inlawlawag ni Puro, Magsingal Barangay Chairman Norlando Tabalanza a saan a maiparit ti iseserrek dagiti agricultural product iti kangitingitan ti enhanced community quarantine gapu ti coronavirus disease 2019.
Dayta ket kalpasan a nagreklamo dagiti kalugaran na ta adda ti delivery truck a naggapu idiay Pangasinan a nakadanun iti lugar da.
Segun ken ni Tabalanza, awan iti masapul a pagdanagan dagiti kalugaran na inaig dagiti taga- Pangasinan a makadanun iti ili da agsipud ta kumpleto da kadagiti kasapulan a dokumento kas ti foodlane pass, health certificate ken clearance tapnu makapagbiyahe da.
Innayon na a masapul a saan a malapdan a sumrek dagiti agideliver kadagiti produkto tapnu adda iti suplay a mailako iti tiyendaan a gatangen dagiti tattao tapnu saan da nga agbisin iti kangitingitan ti enhanced community quarantine.
