VIGAN CITY – Impalagip ni Atty. Ericson Oganiza a Provincial Election Supervisor III kadagiti nangabak man wenno naabak iti Barangay and Sangguniang Kabataan Elections iti panagipasada iti Statement of Contributions and Expenditures (SOCE).
Iti pannaki-uman ti Bombo Radyo Vigan ken ni Atty Oganiza, idi nagipila dagiti agngayangay iti Certificate of Candidacy-da ket nakailanad iti item number 9 a maobligarda iti panangipilada iti Statement of Contributions and Expenditures-da apaman a malpas iti panagpipili.
Segun kenkuana, idi umun-una a lawas kalpasan ti eleksyon ket awan pay unay iti nagipasa ngem idi maikaduan a lawas ket adun iti nagipasa nangruna dagiti Sangguninang Kabataan a nangabak ta masapulda para panag-elect kadagiti Federation Officer.
Nupay awan met maipataw a muelta para kadagiti saan a makaipasa ket napaingetan ti pagannurotan nangruna kadagiti nangabak ta saanda a makatugaw iti pwestoda agingga saanda a maipila ti Statement of Contributions and Expenditures-da.
Kabayatanna, allukoyenna iti amin nga agipasa babaen ti soft ken hard copy tapno aniaman iti mapasamak a didigra ket natalged dagiti dokumentoda.
VIDEO – ATTY. ERICSON OGANIZA
