VIGAN CITY – Peaceful iti nagbalin a panagipilaan ti certificate of candidacy dagiti agkandidato ti 2025 election ken awan iti nagbalin a problema ditoy probinsia.
Iti pannaki-uman ti Bombo Radyo Vigan ken ni Atty. Marino Salas, Provincial Election Supervisor IV, awan iti nairekord nga untoward incidents uray no adda nagiddan nga agkalaban a napan nagipila ti COC na.
Segun kenni Salas, aktibo ti partisipasyon dagiti kameng ti kapulisan manipud idi nangrugi iti panagipilaan ti COC.
Kabayatanna, nagpanawagan kadagiti ag-botos a makipasetda no mai-demo ti automated counting machine a mairugi inton November 2024 agingga February 2025, tapno saanda a manerbios no dumteng iti aldaw a panagbubutos.
Namnamaenda met a suroten dagiti aspirant candidates iti sinapataanda ken dagiti rules and regulations.
