Nagpanawagan ni Senador Sherwin Gatchalian iti National Telecommunications Commission (NTC) ken Department of Information and Communications Technology (DICT) a labanan ti nakaro a panagilako ti pre-registered SIM cards ita nga umadanin iti holiday season.
Nagballaag ti senador iti panagilako ti pre-registered SIM cards ket maar-aramat ti financial crimes ken online crimes tapno mangbiktima kadagiti umuli ita paskua.
Inallukoy ni Gatchalian ti NTC ken DICT nga aramaten ti amin a bilegda tapno obligaren dagiti telecommunication company wenno telcos nga agaramid ti mekanismo a mangbigbig kadagiti subscriber.
Impaganetget ti agpampanday linteg a nagaramid ti solusyon ta adda linteg kontra iti SIM Registration Act.
Impaganetget ni Gatchalian a rumbeng a leppasen ti nasao a modus kangrunaan ita nga agpaskuan ken saan a rumbeng a maitultuloy pay iti panangbiktima kadagiti umili.
