--Ads--
Kiniddaw ti Department of Agriculture iti Comelec a saan nga iraman ti May 2025 midterm election spending ban iti panagilako iti stocks a bagas iti National Food Authority iti local government units.
Segun ken ni Agriculture Sec. Francisco Tiu Laurel Jr., agipasada iti surat iti poll body tapno opisyal a maipakaammo ti programada.
Iti agdama ket innem a pulo ket pito nga LGUs iti nangipakaammo ti intensyonda a gumatang ti NFA rice nga ilakoda iti publiko wenno kadagiti constituents-da.
Iti salinong ti Comelec Resolution 11060, kasapulan ti certificate of exemption para ti pannakaipatungpal dagiti aktibidad ken programa iti social welfare projects ken services bayat a maipatpatungpal ti spending ban manipod March 28 agingga May 11, 2025.
-- ADVERTISEMENT --
