Sumarunon a matratar iti House Plenary ti pannangikkat ti travel tax kalpasan nga inaprubaran ti House Committee on Ways and Means ti substitute bill para ti gakat.
Iti panagdengngeg ti komite, indauloan ni House Committee on Ways and Means Chairman ken Marikina Rep Miro Quimbo ket nag-motion ni House Deputy Majority Leader Ernesto Dionisio nga aprubaran ti substitute bill, ket awan ti nangkwestiyon isu nga aprubadon iti committee level.
Kalpasan a maaprobaran iti House Committee on Ways and Means ket maipasa daytoy iti House Committee on Appropriations sakbay a mapan iti House Plenary para iti deliberasion
Pinasingkedan ni Quimbo a dagiti programa a ponpondoan ti travel tax ket mapondoan ton iti salinong ti General Appropriations Act pakairamanan ti Tourism Infrastructure and Enterprise Zone Authority (TIEZA), Commission on Higher Education (CHED) ken National Commission for Culture and the Arts (NCCA).
