Kinumpirmaran ni House Deputy Speaker Representative Ronaldo Puno ti pangngeddeng ni Speaker Ferdinand Martin Romualdez nga agikkaten a lider iti Kamara.
Segun ken ni Puno, gagem ti plano ni Romualdez a maisalbar iti reputasyon iti kamara kangrunaan ket kanayon a mapunpuntirya iti agduduma a kontrobersyal kas iti isyu ti maanomalya a flood control projects.
Kinuna ni Puno a namin-ano a daras a sinarita dayta ni Romualdez kadagiti lider iti agduduma a partido iti Kamara ngem linapdanda ket binalakadanda isuna nga ag-leave pay laeng iti posisyon.
Ngem kuna ni Puno nga idi kalman ket pinal iti pangngeddeng ni Romauldez a panawanen iti panagbalin a House Deputy Speaker ken inrekomendarna ni House Deputy Speaker ken Isabela 6th District Rep. Bodjie Dy a mangsukat kenkuana.
Mapapati nga ikalkalintegan ni Romualdez nga agikkaten tapno maikkat iti panagdudua kadagiti maisaysayangkat nga imbestigasyon ken tapno saan a panunoten iti publiko nga ar-aramatenna iti posisyon tapno makaliklik iti dusa.
