--Ads--
Manamnama a dumur-as manen ti ekonomiya ti Pilipinas kalpasan ti nabuntog a panagdur-as idi 2025 segun ti Swiss Multinational investment bank a UBS.
Mapatta-patta nga umabot iti 5 percent ti panagdur-as ti gross domestic product ti pagilian ita a tawen manipud iti 4.4 percent idi napan a tawen, gapu iti napigpigsa a panagpuonan ken panagngato ti export activity.
Segun ti bangko, nakatulong ti domestic investment ken exports tapno mapagtalinaed ti natibker nga ekonomiya idi napan a tawen nupay adda karit iti national economy.
Pimmigsa met ti export performance idi maudi a quarter ti 2025 kangrunaan iti electronics sector, maysa a kadawyan nga industriya ti export ti pagilian.
-- ADVERTISEMENT --
