Dimmuprak ti bagyo Dujuan idiay asideg iti Tokyo, Japan a nangitunda ti nalawa a panaglayus, panagreggaay ti daga, ken pannakaitantan ti biaghe a nang-obliga iti nasurok 1.6 milyon a residente nga agbakwit manipud kadagiti pagtaengan da.
Awan ti kuryente iti rinibo a balay ken innem a tao ti kumpirmado a natay segun kadagiti otoridad.
Gapu iti nakaru a madi a paniempo, napilitan a nagkanselar ti nasurok 270 a biyahe dagiti kangrunaan nga airline, kalaksidan pay iti panangpasardeng ti operasion ti sumagmamano a tren pakairamanan ti bullet train a mangkonektar iti Tokyo ken Osaka.
Segun iti Japan Meteorological Agency (JMA), in-inot nga umad-adayo ti bagyo nga agturong idiay Aleutian Islands ngem agtaltalinaed pay laeng ti pangta ti agtultuloy a panagtudo ken posible a panaglabes ti rain volume iti kadawyan nga average para iti intero a bulan ti Setyembre.
