Dua ti nadangran iti panagdinnungpar ti van ken PUV iti national highway ti Barangay Paratong, Sta. Cruz, Ilocos Sur.
Ti Hiace G1 Grandia ket minaneho ti maysa a lalaki nga agtawen iti tallopulo ket tallo, taga-Ineangan Dupax Del Norte, Nueva Vizcaya.
Ti met PUV ket minaneho ti lalaki nga agtawen iti uppat a pulo ket siam, taga-San Antonio, Candon City, ngem agnanaed iti Barangay Paratong.
Agpapa-amianan ti van idinto nga adda iti bangir a linya ti PUV.
Idi madanon ti nakapasamakan ti aksidente, saan a nakontrol ti drayber ti PUV ti lugan a minanehona ket napan iti bangir a linya isu a nagdinnungparda iti nasao a van.
Gapu dayta, naipit ti drayber ti PUV iti tugawna gapu iti nakaro a pannakadadael ti lugan, ken maysa a pasahero ti van a baba inga agtawen iti sangapulo ket walo ti nagsagaba iti minor injury.
