Dua ti nadunor gapu iti pannaka-aksidenteda iti barangay road idiay Sulvec, Narvacan, Ilocos Sur a nakairamanan ti motorsiklo ken van.
Nabigbig ti nagmaneho iti van a ni Junar Villanueva Rebanal, agtawen iti limapulo ket dua, taga-Pila, Cabugao.
Ti met motorsiklo ket minaneho ni Joseph Tubera Tabula, agtawen iti duapulo ket dua, inlubbonna ni Jimmy Balocas Tabula, agtawen iti uppat a pulo ket pito, taga-Barangay Lussoc, Sto. Domingo.
Agpapa-abagatan ti van ket idi nagtengna ti nakapasamakan ti insidente, nadungparna ti motorsiklo nga agpapa-amianan ket naagawna ti bangir a linya.
Gapu dayta, nadunor dagiti nagkalubbon iti motorsiklo a naipaagas iti ospital para iti pannakatamingda idinto a saan a naan-ano ti drayber ti van.
Nadadael ti sangwanan a paset ti van idinto a nakaro a nadadael ti motorsiklo.
