VIGAN CITY – Natay gapu ti sinagabana a dunor iti ulo ti maysa a drayber ti traysikel gapu ti panagdinnungparda iti nakasinnabetna a motorsiklo idiay Barangay Las-ud, Tagudin.
Nabigbig ti biktima Ronaldo Nafrda Cuaresma, agtawen iti limapulo ket innem, taga-Barangay Magsaysay, Tagudin gapy ti panagdinnungpar motorsiklo idiay Barangay Las-ud, Tagudin.
Ti motorsiklo ket minaneho ni Julius Daogas Sumbad, agtawen iti limapulo, security guard, taga-Barangay Magsaysay, Titi nasao nga ili.
Daldalyasaten dagiti dua a lugan ti agsinnumbangir a linya iti kalsada idin ta ti inovertakean ti traysikel ti kasinsinnarunona a lugan ket naidungpar iti nakasinnabetna a motorsiklo.
Kabayatanna, ti met drayber ti motorsiklo ket natukkol ti akin kannigid a sakana ken akin-kannawan a takyagna idinto a ti pasahero ti traysikel ket nagsagaba met iti minor injuries.
Agpapada a naipaagas dagiti karaman iti aksidente iti ospital ngem naideklarar a dead on arrival ti nagmaneho iti traysikel babaen ti nangasikaso a doktor.
