Innem ti nadunor iti panagdinnungpar ti traysikel ken motorsiklo iti Darapidap Road a sakup ti Barangay Talogtog, Candon City, Ilocos Sur.
Ti traysikel ket minaneho ni Jullie Ann Fieldad Aniceto, agtawen iti tallopulo, inluganna da Nanette Fieldad Aniceto, agtawen iti limapulo ket maysa, maysa nga agtawen iti sangapulo ket uppat ken siam nga agpapada a taga-Barangay San Agustin, Candon City.
Naglugan pay met iti traysikel dagiti dua pay nga ubbin nga agtawen iti pito ken siam a taga-Barangay Cabaroan Daya, Vigan City.
Kabayatanna, ti Yamaha Aerox a motorsiklo ket minaneho ni Bryan Limon Roxas, agtawen iti duapulo ket uppat, taga-Barangay Casilagan, Banayoyo, backrider-na ni Nelson Manzano Versoza, agtawen iti duapulo ket maysa, taga-Barangay Cadanglaan, Banayoyo.
Agpapadaya ti motorsiklo idin ta inagawna ti linya ti traysikel isu a nagdinnungparda.
Gapu dayta, nadunor dagiti naglugan iti traysikel ken ti backride ti motorsiklo a naipaagas iti ospital para iti pannakatamingda.
Nakainom dagiti nagkalubbon iti motorsiklo idi mapasamak ti aksidente.
