Dua a motorista ti nadunor gapu iti panagdinnungpar ti maysa a traysikel ken motorsiklo idiay San Antonio Bridge, paset iti national highway ti Barangay San Antonio, Narvacan, Ilocos Sur iti alas onse singkwenta ti rabii idi kalman.
Ti drayber ti traysikel ket maysa a lalaki nga agtawen iti duapulo idinto a ti drayber ti motorsiklo ket lalaki nga agtawen iti duapulo ket dua.
Agpada nga agpapa-abagatan dagiti dua a lugan a ti motorsiklo ket sarsarunwenna ti traysikel.
Saan a napansin ti drayber ti motorsiklo ti traysikel gapu iti nadadael a taillight-na isu a natukbobna daytoy.
Nadunor ti nadumaduma a paset ti bagi ti drayber ti motorsiklo idinto a minor injuries met ti sinagrap ti drayber ti traysikel.
Naipaagas it ospital ti drayber ti motorsiklo ket naduktalan a nakainom idi napasamak ti aksidente.
Kabayatanna, nagkedked metten a nagpaagas ti drayber ti traysikel.
