--Ads--
Maysa ti nadunor iti napasamak nga aksidente iti national highway idiay Barangay Suso, Sta. Maria, Ilocos Sur.
Nabigbig ti nagmaneho iti forward truck a ni Mark Kevin Manansala Lazarra, agtawen iti duapulo ket uppat, taga-Barangay Sagrada, Masantol, Pampanga.
Ti met nagmaneho iti Suzuki Raider motorcycle ket ni Jerver Dar Tamayo, taga-Barangay Danuman West, Sta. Maria.
Agpapa-abagatan ti trak idin ta ti motorsiklo nga adda iti bangir a linya ket napan iti southbound lane isu a linisyan met daytoy ti drabber ti trak ngem nagdinnungparda latta.
-- ADVERTISEMENT --
Nadunor ti nagmotorsiklo idinto a saan a naan-ano ti drayber ti trak.
Nakainom ti drayber ti motorsiklo idi napasamak ti aksidente nga ita ket adda iti ospital para iti pannakatamingna.
