VIGAN CITY – Awan ti nadangran iti panagdinnungpar ti maysa a fortuner ken trailblazer idiay Brgy. Caburao, Santiago
Nabigbig ti nagmaneho iti fortuner a ni Wylene Joy Munda, agtawen iti duapulo ket tallo, negosyante a taga-San Isidro, Candon City idinto a ti trailblazer ket minaneho ni Joderick Espejo, agtawen iti uppat a pulo a taga-Otol Patac, San Ildefonso.
Iti pannaki-uman ti Bombo Radyo Vigan ken ni PSSG. Rogelio Molina iti Santiago Police Station, agpapa-abagatan ti trailblazer idin ta nag-overtake ti fortuner iti sarsarunwenna a lugan ket saanna a nakontrol ti manibela ti luganna.
Nagpreno ti drayber ti trailblazer tapno maliklikan ti panagdinnungpar ngem naidungpar latta iti akin-kannawan a sango ti bumper iti fortuner.
Awan ti nakainom kadagiti dua a drayber ngem mapapati a nairidep ti drayber ti fortuner.
Nupay kasta, nakapagpatangen dagiti drayber a bayadanton ti drayber ti fortuner ti nadadael a paset ti trailblazer.
