--Ads--
Maysa ti nadangran iti panagdinnungpar ti motorsiklo ken SUV iti national highway ti Barangay Barangobong, Sta. Lucia, Ilocos Sur.
Nabigbig ti drayber ti Honda Click motorcycle a ni Alexis James Fontanilla, agtawen iti duapulo ket maysa, taga-Villa Garcia, Sta. Cruz.
Ti met nagmaneho iti Toyota Fortuner ket ni Rochele Garbo Racaido, agtawen iti tallopulo, taga-Barangay Paras, Candon City.
Agpapa-amianan ti SUV idin ta immagaw ti linya ti motorsiklo isu a nagdinnungparda.
-- ADVERTISEMENT --
Saan a naan-ano ti drayber iti SUV ngem ti drayber iti motorsiklo ket naipan iti ospital para iti pannakatamingna.
