Nadunor dagiti nagkalubbon iti motorsiklo iti napasamak nga aksidente iti national highway ti Barangay San Rafael, San Esteban, Ilocos Sur.
Ti sedan ket minaneho ti lalaki nga agtawen iti limapulo ket innem, dati a seafarer, taga-Barangay Villa Quirino, San Esteban.
Ti met motorsiklo ket minaneho ti lalaki nga agtawen iti limapulo kt maysa, kinalubbonna ti babai nga agtawen iti uppat a pulo ket maysa, taga-Barangay San Joaquin, Mabalacat, Pampanga.
Agpapa-abagatan ti sedan ket idi nagsikko a mapan iti amianan ket nagdinnungparda iti motortsiklo nga agpapa-abagatan met laeng.
Gapu dayta, saan a nakontrol ti drayber ti motorsiklo ti manibela ti luganna ket natulid iti kalsada.
Nadunor dagiti nagkalubbon ket ti backrider ket agalenna ti nasakit a sakana.
Saan met a naan-ano dagiti naglugan iti sedan.
