Awan ti nadangran iti napasamak a panagdinnungpar ti Hilux ken Van idiay national highway sakupen ti Barangay Ronda, ili ti Sta. Lucia.
Ti nagmaneho ti Toyota Hilux ket agtawen ti uppat a pulo ket siam, drayber ken residente ti Brgy, 2nd road, Plama Urbano St., Baguio City.
Ti met nagmaneho ti Toyota HI Ace Van ket agtawen ti uppat a pulo ket walo ken residente ti Brgy. San Francisco, General Trias, Cavite.
Basar iti CCTV footage, ti Hilux ket agturong iti abagatan a direksion ken idi nadanonna ti nakapasamakan ti insidente ket kellaat a sinakup ti van ti linya ti Hilux.
Pinadas pay a liklikan ti Hilux ti van ngem saan a nagballigi isu a nagdinnungparda.
Nupay kasta, awan ti nadangran iti napasamak nga insidente ngem agpada a nadadael dagiti lugan.
