Maysa ti natay iti panagdinnungpar ti motorsiklo ken van iti national highway ti Barangay Pug-os, Sinait, Ilocos Sur.
Nabigbig ti natay a drayber ti Honda Wave motorcycle a ni Jimson Vicente Claveria, agtawen iti uppat a pulo, STL collector, taga-Barangay Paratong, Sinait, awan ti helmet ken reflectorized vest-na.
Ti met drayber iti Mercedez Benz 100 van ket ni Leovino Antalan Peralta Jr., agtawen iti duapulo ket siam, taga-Barangay 14, Tartarabang, Pinili, Ilocos Norte.
Iti pannaki-uman ti Bombo Radyo Vigan ken ni Police Captain Bryan Romeo Lopez, agpapa-amianan ti van idin ta ti motorsiklo nga adda iti west outer lane ket napan iti linya ti van nga awan iti head lights na isu a napasamak ti panagdinnungpar.
Gapu dayta, nadunor dagiti nadumaduma a paset ti bagi ti biktima a naipaagas iti ospital ngem naideklarar a dead on arrival.
Kabayatanna, saan met a naan-ano ti drayber ti van nga ita ket ikot ti Sinait Police Station tapno dumalan iti husto a proseso.
