Dua ti nadunor iti panagdinnungpar ti naglugananda a motorsiklo ken ti maysa a utility vehicle iti national highway ti Barangay Sagat, Sta. Cruz, Ilocos Sur.
Ti drayber ket lalaki nga agtawen iti sangapulo ket pito idinto a ti kinalubbonna ket babai nga agtawen iti duapulo nga agpada nga agnaed iti nasao nga ili.
Kabayatanna, ti met drayber ti Sinotruck utility vehicle ket maysa a lalaki nga agnaed iti Quezon City.
Agpada nga agpapa-abagatan dagiti dua a lugan, ket idi imbumbuntog ti motorsiklo nga agturong iti laud nga outer lane.
Nakigtot met ti drayber ti utility vehicle idi bigla a nagpadaya ti motorsiklo a sumrek iti barangay nga isu ti rason ti panagdinnungparda.
Pinadas ti drayber ti utility vehicle ti agpreno ngem saan a nagballigi, ket nadunor dagiti nagkalubbon idinto a saan a naan-ano ti drayber ti utility vehicle.
