VIGAN CITY – Maysa ti nadangran iti pannaka-aksidente ti maysa a Dump truck ken motorsiklo idiay Bajet, San Ildefonso.
Ti dump truck ket minaneho ni Mario Pido, agtawen iti tallopulo ket siam, naasawaan a taga-Brgy Refaro, San Juan idinto a ti drayber ti motorsiklo ket ni Elpidio Villegas a taga -Brgy Sagsagat, San Ildefonso, agatwen iti innem a pulo ket maysa
Agpapaamianan a direksyon ti trak idinto a ti drayber ti motorsiklo ket naawanan iti kontrol ti manibela ti luganna isu a nadungparna ti rear wheels ti trak.
Nagbusina ti drayber ti truck idi nakitana a sabalin ti turungen ti motorsiklo tapno maliklikan ti disgrasya ngem nagdiretso ti motor iti luganna.
Nadunor iti nadumaduma a paset ti bagi ni Villegas a naipan iti Northsides Doctors Hospital idinto a ti drayber ti truk ket saan a naan-ano.
